முருங்கைக்காய் மிளகுக் கோழி{Murungaikai Milagu Kozhi In Tamil

முருங்கைக்காய் மிளகுக் கோழி{Murungaikai Milagu Kozhi In Tamil

சுவையான முருங்கைக்காய் மிளகுக் கோழி செய்வதற்கான எளிய செய்முறை குறிப்பு. இந்த குறிப்பு திரு.தாமோதரன்(செப்.தாமு) அவர்களின் சமையல் குறிப்பைத் தழுவியது.

தேவையான பொருட்கள்

• சிக்கன் – 1/4 கிலோ
• முருங்கைக்காய் – 2
• பொடியாக நறுக்கிய வெங்காயம் – 250௦ கிராம்
• இஞ்சி, பூண்டு விழுது – 1 தேக்கரண்டி
• சீரகம் – 1 தேக்கரண்டி
• காய்ந்த மிளகாய் – 6
• பச்சை மிளகாய் – 2
• மிளகுத்தூள் – 4 தேக்கரண்டி
• மல்லித்தழை – 1/2 கட்டு
• கறிவேப்பிலை – 2 கொத்து
• எண்ணெய் – 3 மேசைக்கரண்டி
• உப்பு – தேவையான அளவு

செய்முறை

1. கடாயில் எண்ணெய் ஊற்றி சூடானதும், சீரகம் சேர்த்து தாளித்து, வெங்காயம் சேர்த்து பொன்னிறமாக வதக்கவும்.
2. காய்ந்த மிளகாயை விதை நீக்கி சேர்க்கவும். இதனுடன் முருங்கைக்காய் சேர்த்து நன்கு வதக்கவும். தேவையெனில் சிறிது தண்ணீர் சேர்த்து வதக்கலாம்.
3. இதனுடன் கறிவேப்பிலை, பச்சை மிளகாய் சேர்த்து மீண்டும் வதக்கவும்.
4. சிக்கன், தேவையான அளவு உப்பு, மஞ்சள்தூள்  மற்றும் சிறிது தண்ணீர் சேர்த்து
    வேக விடவும்.
5. பொடி செய்து வைத்துள்ள வெள்ளை மிளகையோ அல்லது கருப்பு மிளகையோ காரம் பார்த்து தகுந்தாற்போல் சேர்க்கவும்.
6. நன்கு சுண்டி வரும் வரை வேக விடவும். சிறிது மசாலா கலவை இருக்குமாறு பார்த்து இறக்கவும்.
7. மல்லித்தழை தூவி பரிமாறவும்.

குறிப்பு

விருப்பமெனில் ஒரு தக்காளியை ஜூஸ் போல் பிழிந்து பயன்படுத்தலாம்.